MWANDU MA YUDORE E WACH NYASAYE | WUOK 10-11

Musa gi Harun Nonyiso Chir e Okang’ Malach

10:3-6, 24-26, 28; 11:4-8

Musa gi Harun nonyiso chir e okang’ malach ka ne giwuoyo gi Farao ma kindeno ne en jaloch ma ji noluoro e piny mangima. Ang’o ma nomiyo gibedo gi chir ma kamano? Muma wacho e wi Musa niya: “Kuom yie, nowuok Misri, to ne ok oluoro mirimb ruoth, nimar nomedo dhi nyime chung’ motegno kaka jalno ma neno Ng’atno ma ok ne gi wang’.” (Hib 11:27) Musa gi Harun ne nigi yie motegno kuom Jehova kendo ne gigeno kuome.

Gin gik mage ma nyalo dwaro ni ibed gi chir sama ilero yieni e nyim jatelo?

Pichni: Gik ma nyalo dwaro ni wabed gi chir. 1. Wuoyo moro ochung’ ma ok otim gimoro sama jowetene miyo bendera duong’. 2. Owadwa moro ochung’ e nyim jong’ad bura e kot. 3. Owadwa moro ma rawera miyo wuon ot trakt ka polis moro ng’iyogi gi chien.