Nyis Hera e Odu

Hera chalo kaka gam ma riwo joot kanyachiel. Ka joot ok oherore, biro bedonegi matek bedo gi winjruok maber kendo timo gik moko kanyachiel. Ere kaka chwo, mon, kod jonyuol nyalo nyiso hera e ot?

Dichwo mohero chiege biro keto dwach chiege obed motelo, obiro chiko ite ne paro ma en-go, kendo obiro dewo kaka owinjo e chunye. (Efe 5:28, 29) Obiro neno ni joode oyudo gik ringruok kod chiemb chuny moriwo nyaka bedo gi Lamo mar Joot ma ok gibare. (1Ti 5:8) Dhako mohero chwore biro bolore ne chwore kendo obiro miye “luor matut.” (Efe 5:22, 33; 1Pe 3:1-6) Dichwo onego oikre ng’wonone chiege ka gichwanyore, to dhako bende onego oikre timo kamano. (Efe 4:32) Jonyuol mohero nyithindgi dewo nyathi ka nyathi kendo gipuonjogi mondo giher Jehova. (Rap 6:6, 7; Efe 6:4) Gin tembe mage ma nyithindgi romogo e skul? Ere kaka ginyagore gi aola mag mbese? Ka joot oherore, giduto gibiro winjo ni gin kama ber ma onge gima miyogi luoro.

NEURU VIDIO MA WIYE WACHO NI, NYIS HERA MA OK REM E ODU, KAE TO UDWOK PENJO MA LUWOGI:

• 

  Ere kaka dichwo ma jahera nyalo nyiso ni ohero chiege kendo ogene?

• 

  Ere kaka dhako ma jahera nyalo nyiso ni omiyo chwore luor matut?

• 

  Ere kaka jonyuol ma johera nyalo pidho Wach Nyasaye e chuny nyithindgi?