Dhi Nyime Tiego Nyaloni mar Ng’eyo Tiend Weche

Jatugo nyaka tieg leche mag dende mondo odhi nyime bedo molony. E yo machalo kamano, wan bende nyaka watim kinda mar tiego nyalowa mar ng’eyo tiend weche. (Hib 5:14) Kata obedo ni nyalo bedonwa mayot luwo yiero ma jomoko osetimo, nyaka watem matek mondo watieg nyalowa mar ng’ado paro. Nikech ang’o? En nikech ng’ato ka ng’ato biro chiwo dwoko e wi yiero motimo.​—Rum 14:12.

Ok onego wapar ni wabiro timo yiero mabeyo mana nikech higni mang’eny osekalo nyaka ne batiswa. Mondo watim yiero mabeyo, nyaka wagen Jehova gi chunywa duto, wagen Wachne, kod riwruok mar ogandane.​—Jos 1:7, 8; Nge 3:5, 6; Mat 24:45.

NEURU VIDIO MA WIYE WACHO NI, “SIK KA IN GI CHUNY MALER,” KAE TO UDWOK PENJO MA LUWOGI:

• 

  En wach mane ma nyaka ne Emma timie yiero?

• 

  Ang’o momiyo ok onego wachiw pachwa wawegi e weche ma jomoko e ma onego otimie yiero?

• 

  Owadwa moro gi jaode ne okonyo Emma nade?

• 

  Emma noyudo paro mabeyo kanye e wi wach ma ne chande?