Kony Joma Ipuonjo Muma Mondo Ging’e Puonjore Giwegi

Mondo jopuonjre mag Muma otim dongruok ma gibed motegno e wach Nyasaye, dwarore ni gipuonjre gik mathoth to ok mana ma wapuonjorega kodgi kende. (Mat 5:3; Hib 5:12–6:2) Nyaka ging’e kaka ginyalo puonjore giwegi.

Mana mapiyo bang’ chako puonjruok, nyis jopuonjreni mag Muma kaka ginyalo ikore ne puonjruok kendo ijiwgi mondo gitimga kamano. (mwb18.03 6) Jiwgi mondo gilemga sa asaya ma gidwaro puonjore. Konygi ng’eyo kaka ginyalo tiyo gi gige puonjruok mag dijitol. Nyisgi kaka ginyalo yudo gik manyien ma nie jw.org gi JW Broadcasting^®. Puonjgi mosmos kaka ginyalo somo Muma pile ka pile, kaka ginyalo iko chokruoge mag kanyakla, kod kaka ginyalo timo nonro e wi penjo ma chandogi. Konygi mondo ging’e kaka ginyalo paro matut e wi gik ma gisepuonjore.

NEURU VIDIO MA WIYE WACHO NI KONY JOMA IPUONJO MUMA MONDO GING’E PUONJORE GIWEGI, KAE TO UDWOK PENJO MA LUWOGI:

• 

  Ere kaka Neeta nokonyo Jade mondo ong’e ni puonjruok ok en mana yudo dwoko mag penjo?

• 

  Ang’o ma nokonyo Jade mondo obed gadier ni Jehova ni kare sama okwero timbe mag terruok?

• 

  En ang’o ma Jade nofwenyo e wach paro matut?