Kony Joma Ipuonjo Muma Mondo Gibed Osiepe Jehova

Jehova dwaro ni watine nikech wahere. (Mat 22:37, 38) Hera ma jopuonjre Muma oherogo Nyasaye e ma biro miyo gitim lokruoge ma dwarore kendo gichung’ motegno sama giromo gi tem. (1Jo 5:3) Herano bende e ma biro chwalogi mondo obatisgi.

Kony jopuonjreni mondo gine kaka Nyasaye oherogi. Ti gi penjo kaka: “Wachni puonji ang’o e wi Jehova?” kata “Wachni nyiso nade ni Jehova oheri?” Konygi mondo gine kaka Jehova konyogi e ngimagi. (2We 16:9) Nyisgi yore ma Jehova osedwokogo lamoni kendo ijiwgi mondo gin bende gitem nono yore ma Jehova dwokogo lamogi. Ibiro bedo ma mor sama jopuonjreni mag Muma neno ni Jehova oherogi kendo gin bende ginyiso ni gihere gadier.

NEURU VIDIO MA WIYE WACHO NI, KONY JOMA IPUONJO MUMA MONDO GIBED OSIEPE JEHOVA, KAE TO UDWOK PENJO MA LUWOGI:

• 

  En pek mane ma Jade noromogo?

• 

  Ere kaka Neeta nokonyo Jade?

• 

  Ere kaka Jade noloyo pek ma ne en-go?