Kony Joma Ipuonjo Muma Mondo Giwe Osiepe Maricho

Mondo joma ipuonjo Muma obed osiepe Jehova, nyaka gibed gi osiepe mabeyo. (Za 15:1, 4) Osiepe mabeyo biro jiwogi mondo gitim gik mabeyo.​—Nge 13:20; lff sula mar 48.

Sama ikonyo joma ipuonjorigo Muma mondo giwe osipe maricho, bed mang’won kodgi. Nyalo bedonegi matek weyo osiepegi ma ok lam Jehova. Kuom mano, nyis ni idewogi gadier kata mana e odiechienge ma ok upuonjru. Inyalo timo kamano ka ioronegi mesej, igoyonegi simu, kata mana limogi. Kaka gidhi nyime timo dongruok, inyalo gwelogi e gik mopogore opogore ma biro riwou kanyachiel gi Jokristo mamoko. Mano biro konyogi neno ni kare giyudo osiepe mabeyo moloyo ma giweyo. (Mar 10:29, 30) In bende ibiro bedo ma mor sama ineno ka jotich Jehova medore.

NEURU VIDIO MA WIYE WACHO NI KONY JOMA IPUONJO MUMA MONDO GIWE OSIEPE MARICHO, KAE TO UDWOK PENJO MA LUWOGI:

• Osiepe maricho gin jomage?​—1Ko 15:33

• Jade ne paro ni budho ma Jokristo bedogago chalo nade?

• Ere kaka Neeta nokonyo Jade mondo oyud osiepe mabeyo?