Gik ma Yudore e Bug Inyalo Dak gi Mor Nyaka Chieng’! ma Nyalo Konyowa

Be vidio kod penjo ma miyo japuonjre chiwo pache ma yudore e bug Inyalo Dak gi Mor Nyaka Chieng’! moriga? To nade wiye ma wacho ni “Paro ma Jomoko Nigo,” “Gima Inyalo Timo,” kod “Med Timo Nonro”? To gin gik mage mamoko ma nie bugno ma iseyudo ka konyi sama itimo tij loko ji obed jopuonjre?​—Mat 28:19, 20.

Vidio kod Gik Mamoko: Ka iyiero mar tayo puonjruok ka itiyo gi buk mogo e otas, ere kaka inyalo yudo vidio duto kod gik mamoko kamoro achiel? Dhi e buk ma in-go e simu, di achiel kuom kare ang’wen ma nie bugno. Ka idhi piny mogik, ibiro yudo kama ondik ni vidio kod gik mamoko. Kanyo e kama vidio duto mag sula ma nie kare midiyono yudoree. (Ne picha 1.)

Yawo Buk e “Printed Edition”: Ka upuonjoru gi ng’ato gi buk ma nie simu, nyalo bedo maber ka itiyo gi “Printed Edition” ma miyo bugno nenore ka gima ogoye e otas sama upuonjoru. Ka iseelo sula ma upuonjoru, di dots adek ma yudore malo badi korachwich kae to di “Printed Edition.” Yawo sulano e yo ma kamano biro konyi mondo ing’e kaka weche ma upuonjoru otudore gi wi sulano. Mondo igol “Printed Edition,” chak idi dots adekka kae to idi “Digital Edition.”

“Be Aikora?”: Gin sanduge ariyo ma yudore e giko kare mar ang’wen to gikonyo japuonjre ng’eyo ka be oikore lendo gi kanyakla kod batiso. (Ne picha mar 2.)

Weche Momedore: Gilero weche mathoth motudore gi puonj moko madongo. Buk ma nie simu nigi link e giko wach ka wach momedore ma biro duoki e sula ma ne intie kod point ma ne intiere. (Ne picha mar 2.)