Ikri Sani ne Weche Thieth Manyalo Biro Apoya

Ang’o momiyo mano dwarore? Weche thieth ma apoya nyalo timore sa asaya kendo samoro nyalo dwarore ni oket ng’ato e wod. Omiyo, ikri maber ka pok gima kamano otimore mondo ka dipo ni wach thieth ma apoya oyudi, to inyalo yudo kit thieth maber moloyo. Kitimo kamano, to inyiso ni imiyo ngima luor kendo irito chik Jehova e wach remo.​—Tic 15:28, 29.

Ere kaka inyalo ikori?

• Lem kendo ipong’ kad mar durable power of attorney (DPA)a. Jolendo ma osebatisi nyalo wuoyo gi jarit buge mondo omigi kad mar DPA mondo gipong’ kendo ginyalo kawo kad mar Identity Card (ic) ne nyithindgi bende

• Ka iyach to kwa jodong-kanyakla fom mar Information for Expectant Mothers (S-401). Fomno oting’o paro moko ma biro konyi timo yiero mabeyo e wach thieth e kinde ma iyach kod kinde nyuol

• Ka kit thieth mibiro miyi nyalo dwaro ni omedi remo kata ni mondo orwaki e wod, nyis jodong-kanyaklau wechego chon kendo nyis joma ochung’ ne osiptal ni Joneno mag Jehova biroga limi

Ere kaka jodongo nyalo konyo? Ginyalo konyi mondo ipong’ kadni mar DPA. Kata kamano, jodongo ok bi timoni yiero e weche mag thieth, kata chiwo pachgi giwegi e wi wiche ma in iwuon ema onego itimie yiero. (Rum 14:12; Gal 6:5) Ka inyiso jodong-kanyaklau ni wach medo remo nyalo dwarore e kit thieth ma idwa miyi, gibiro wuoyo gi owete manie Hospital Liaison Committee (HLC) e loyi.

Ere kaka HLC nyalo konyo? Owete manie HLC otieg maber mondo gikony joma tiyo e weche thieth mondo ging’e chung’ marwa e wach medo remo. Ginyalo wuoyo gi laktar ma thiedhi e wi yore moko mag thieth ma ok tiye gi remo. Ka dwarore, ginyalo konyi yudo laktar ma oyie thiedhi ma ok otiyo gi remo.

NEURU VIDIO MA WIYE WACHO NI KAKA INYALO YIERO YORE MAG THIETH MA OK TIYE GI REMO, KAE TO UDWOK PENJO MA LUWOGI:

• En ang’o ma ipuonjori e vidiono ma nyalo konyi ikori ne weche thieth ma biro apoya kendo ma nyalo dwaro ni iti gi remo?

  Your answer