Kokkinakis gi Greece: Droit réservé
Kochakore gi picha man malo koracham ka dhi korachwich: West Virginia State Board of Education gi Barnette; Kokkinakis gi Greece; Taganrog LRO kod Jomamoko gi Russia; Cha kod Jomamoko gi South Korea
NGIMAWA KAKA JOKRISTO
‘Tiyo gi Chik Sirkal e Siro Ratiro’ mar Wach Maber
Ka ne jo akwede dwaro chungo gero hekalu ma ne dhi nyime, jogedogo notiyo gi chik sirkal e siro ratiro ma ne gin-go mar tiyo tijno. (Ezr 5:11-16) E yo machalo kamano, Jokristo bende osetiyo gi chik sirkal e siro ratiro mar wach maber. (Fil 1:7) Nikech mano, ne ochak Migawo mar Chike e ofiswa maduong’ e higa mar 1936. E kindegi, Migawo mar Chike Manie Ofis Maduong’ chanoga kaka inyalo sir ratiro ma wan-go mar lando wach maber e piny mangima. Ere kaka migawoni osesiro ratiro mar lando wach maber kendo konyo jo Nyasaye?
NEURU VIDIO MA WIYE WACHO NI LIMO MIGAWO MAR CHIKE MANIE OFIS MADUONG’, KAE TO UDWOK PENJO MA LUWOGI:
Gin pek mage ma Joneno mag Jehova oseromogo motudore gi chike mag sirkal?
Gin buche mage ma waseloyo? Chiw ane ranyisi
En ang’o ma ng’ato ka ng’ato kuomwa nyalo timo mondo wasir ratiro ma wan-go mar lando wach maber ka watiyo gi chik sirkal?
Wanyalo dhi kanye e websaitwa mondo wang’e gik ma timore ne owetewa ma ikwedo kod nyinge Joneno mag Jehova ma otue e jela nikech yiegi?