Sandug Penjo

◼ Ang’o monego itim kapo ni onyisi ni iwe lendo?

Nitie kuonde ma polise osenyiso jolendo manie tij lendo ni giketho chik, kendo okwerogi ni giwe lendo. Kapo ni onyisi ni itim kamano, onego iwuog e alworano mapiyo kendo e yor muolo. (Math. 5:41; Fili. 4:5) Kik item loso wachno iwuon kitemo lero ratiro ma wan-go mar lendo. Kanyalore, ti gi rieko mondo ikaw namba baj mar polisno kod stesen mowuokie. Bang’ mano, nyis jodong-kanyakla wachno mapiyo, kendo gibiro nyiso ofis wachno. Kamano bende, kapo ni jorit, kata joma tiyo e ot moro milendoe onyisi mondo iwuog e odno, onego iwuog mapiyo kendo inyis jodongo wachno. Bedo mamuol kendo bolruok seche mwaromo gi joma nie teko nyalo konyo ahinya e geng’o chandruoge maok ochuno.—Nge. 15:1; Rumi 12:18.