Ti gi Ite ma Kwongo Yawore e JW.ORG e Tij Lendo

Ite ma kwongo yawore e websaitwa oting’o sula kod vidio molos mondo omak pach joma donjo e websaitwa ma gombo ng’eyo adiera. (Tic 13:48) Oting’oga sula ma wuoyo e wi gik ma timore e kindegi kod weche ma ji paro kendo wuoyo kuomgi ahinya.

Era kaka inyalo tiyo gi ite ma kwongo yawore e jw.org sama in e tij lendo?

• Donjga e websaitwa kinde ka kinde. Ng’iga sula miketo e ite mokwongo e websait kendo item paro kaka inyalo tiyo kodgi e tij lendo. (Mondo iyud sula mamoko ma ne oseketga e ite mokwongo kanyo, di kama wacho ni, “Ne Weche Mamoko.”) Rango sula miketo kanyo kinde ka kinde biro konyi bedo gi weche mopogore opogore ma inyalo tiyogo e tij lendo.

• Ti gi sula kod vidio ma oket e ite mokwongo e chako wuoyo gi ji. Sulago kod vidio nyalo konyowa ng’eyo gik ma ji paro e alworawa.

• Nyis ji ite mokwongono e websaitwa. Wuo e wi sula moko ma mule, kae to inyise kaka onyalo yudo weche mamoko e websaitwa.

• Ornegi link. Nitie jomoko ma ok oheroga wuoyo kodwa achiel kachiel, kata kamano websaitwa to giyie donjega. Kuom mano, or ne ng’ato ang’ata morwako wach link ma tere e ite mokwongono kata ma tere e sula moro kata e vidio moro.