Gik ma Nyalo Konyi e Tiyo gi Websaitwa

Yud Sula Miketoga Kama Kwongo Yawore e Websaitwa

Owetewa gi nyiminewa mang’eny tiyoga gi sula miketoga kama kwongo yawore e jw.org sama gin e tij lendo. Yot orogi ne ng’ato kaka link, kendo gilero kaka gik ma timore e piny chopo weche ma nokor e Muma. Owadwa moro nondiko ni wechego “biroga e kinde mowinjore ka luwore gi chal mar joma walendonegi.”

Kata kamano, nikech sulago iwiloga kinde ka kinde, ere kaka inyalo yudo sula mosekalo?

• Sama in kama kwongo yawore kidonjo e jw.org/luo, di link ma nigi piny matin mondik ni “Ne Weche Mamoko.” Linkno biro yawoni kama wacho ni, “Sula ma Yande Oket Kama Kwongo Yawore e Websaitwa.” Kanyo, ibiro yudoe sula mamoko ma yande oket kama kwongo yawore sama ng’ato odonjo e websaitwa.

• E jw.org/luo, di “Laibrari” kae to idi “Sula Moket e Grube-Grube,” kae to e bwoye idi “Weche Mamoko.” Kata, e JW Library^®, di “Library,” kae to idi “Article Series,” kae to e bwoye idi “Weche Mamoko.” Kanyo ibiro yudoe sula mang’eny mosegaket kama kwongo yawore sama ng’ato odonjo e websaitwa.