Yud Rieko ma Nyalo Tayi e Ngimani Mapile e JW.ORG

Wach Nyasaye konyowa mondo wanyagre gi tembe ma wayudo e ndalo mag gikogi. (2Ti 3:1, 16, 17) Kata kamano, nitie kinde moko ma wanyalo dwaro puonj moro manie Muma ma konyowa e chal moro momakowa. Kuom ranyisi, dibed ni in janyuol ma dwaro puonj ma nyalo konyi pidho nyithindi? Dibed ni in rawera ma yudo ka luwo chike mag Jehova ok yot? Dibed ni ikuyo nikech jaodi otho? Nitie puonj mathoth mag Muma e jw.org ma biro konyi nyagori gi gigo kod pek mamoko.​—Nge 2:3-6.

Dhi e jw.org kae to idi kama ondik ni PUONJ MAG MUMA. (Ne picha 1.) Ka isediye, inyalo yiero wach ma diher somo. Kata di kama ondik ni LAIBRARI > SULA MOKET E GRUBE-GRUBE kae to iyier wach midwaro somo. (Ne picha mar 2.) Inyalo yudo wiyego bende e JW Library^®.a Inyalo yudo sula mopogore opogore kuonde ariyogo duto. Yo machielo en ndiko wach midwaro kama ondik ni “many” e jw.org.

Inyalo ndiko weche ma luwogi kama ondik ni “many” kae to iyier sula mopogore opogore ma wuoyo e wi weche ma diher somo.

• Pidho nyithindo

• Rowere

• Jaodi otho