Websait Marwa​—Olose Mondo Okony Joneno gi Joma Ok Joneno

Yesu nochikowa mondo waland wach maber mar Pinyruoth ‘e pinje duto mondo obed ranyisi ne ogendini duto.’ (Math. 24:14) Mondo mi wachop ‘tich duto ma omiwa,’ oseriw Websait mag watchtower.org, jw-media.org, kod jw.org mobedo jw.org molos manyien.​—2 Tim. 4:5.

“Pinje Duto”: Chiegni ni pasent 30 mag ji e piny mangima tiyo gi Intanet. En e yo ma ji mang’eny tiyogo e manyo weche, to ahinya rowere. Websait marwa konyo joma ohero tiyo gi Intanet e yudo dwoko makare mag penjo ma gin-go e wi Muma. Oleronegi riwruok mar oganda Jehova, kendo olose e yo ma yotnegi kwayo puonjruok mar Muma maonge chudo. Omiyo wach maber landore kata mana kuonde ma ji yudoe thuolo manok mar winjo wach Pinyruoth.

“Ogendini Duto”: Mondo wach maber ochop ne “ogendini duto,” nyaka waland adiera mag Muma e dhok mopogore opogore. Jogo ma limo Websait mar jw.org nyalo yudo weche mathoth e dhok madirom 400. Onge Websait moro amora machielo mayudore e dhok mang’eny kamano.

Ti Maber gi Websaitni: Websaitwa manyien mar jw.org ok olos mana ni mondo watigo e lendo ne joma ok gin Joneno kende, to olose mondo okony Joneno mag Jehova bende. Ka in gi yor donjo e Intanet, wajiwi mondo ilim jw.org kendo ing’e kaka itiyo kode. Paro maluwogi nyiso moko kuom yore ma wanyalo tiyogo kode.

[Diagram e ite mar 3]

(For fully formatted text, see publication)

Tem Tiyo Kode

1 Ndik www.jw.org/luo kata www.jw.org/sw kama indikoe adres sama idonjo e Intanet e kompyuta.

2 Yud weche ka idiyo wiye matindo, kae to weche mochan e bwoye, kod kuonde materi e weche momedore.

3 Tem yawo jw.org e simo kata gige tudruok mamoko man gi Intanet. Kaka ochan weche biro lokore mondo oromre gi gir tudruokno to gik mayudore pod dong’ machalre.