NGIMAWA KAKA JOKRISTO
Jehova Reso Joma Chunygi Onyosore
Nitie kinde ma ng’ato nyalo winjo ka chunye onyosore. Sama ng’ato chunye onyosore kamano, ok nyis ni winjruokne gi Jehova odok chien. Nitie kinde ma Jehova bende winjoga malit. (Cha 6:5, 6) To nade ka chunywa siko nyosorega ahinya kinde ka kinde?
Kwa Jehova mondo okonyi. Jehova dewo ahinya kaka wawinjo e chunywa kod pachwa. Ong’eyo sama wamor kod sama chunywa onyosore. Ong’eyo kaka wawinjo kod kaka waparo. (Za 7:9b) To Maduong’ie moloyo, Jehova dewowa kendo oikore konyowa sama chunywa onyosore.—Za 34:18.
Rit pachi. Sama chunywa onyosore, ok wabi bedo ma mor kendo osiep manie kindwa gi Jehova nyalo dok chien. Mano e momiyo onego warit chunywa ma iye.—Nge 4:23.
NEURU VIDIO MA WIYE WACHO NI KAKA OWETEWA DHI NYIME BEDO GI KUWE KATA OBEDO NI GINYAGORE GI TUO MAR DEPRESSION, KAE TO UDWOK PENJO MA LUWOGI:
Gin ang’o ma Nikki notimo mondo okonye nyagore gi tuo mar depression?
Ang’o momiyo Nikki noneno ni ber mondo odhi osiptal?—Mat 9:12
Gin yore mage ma Nikki nonyisogo ni ogeno Jehova mondo okonye?