Be In gi Yie?

Mondo wamor Jehova, nyaka wabed gi yie. To e ma Muma wacho ni “yie ok en mar ji duto.” (2 The. 3:2) Jaote Paulo nowacho ni ne dwarore ni orese e lwet “jo maricho kod jo ma timbegi mono” ma ne sande. Kata kamano, gima nowacho e wi yie nyalo konyowa waduto. Jomoko ok dwar yie ni nitie Nyasaye ma en Jachuech mar gik moko duto. (Rumi 1:20) Jomoko to nyalo wacho ni gin gi yie mana sama gifwenyo ni ng’ato kata gimoro nigi teko mang’eny. Mano kende ok oromo moro Jehova.

Dwarore ni wabed gadier chuth ni Jehova nitie, kendo ni oguedhoga joma nigi yie motegno kuome. (Hib. 11:6) Yie en achiel kuom olembe ma roho mare nyago. Wanyalo kwayo Jehova e lamo mondo omiwa rohone maler. (Luka 11:9, 10, 13) Yo achiel maduong’ ma wanyalo yudogo roho maler en somo Wach Nyasaye. Kae to wanyalo paro matut kuom gik ma wasomo, kendo tiyo kodgi e ngimawa. Ka watimo kamano, to roho mar Jehova nyalo tayowa mi wabed gi yie ma moro Jehova.