Ti gi Muma Kaka Kio

Jaote Jakobo nopimo Muma gi kio ma nyalo konyowa ng’eyo kaka chunywa chal gadier. (Jak. 1:22-25) Ere kaka wanyalo tiyo gi Muma kaka kio?

Some adimba. Ka wang’iyore awiye awiye e kio, wanyalo weyo ma ok waneno gimoro maduong’ ma dwarore ni walosi. E yo ma kamano, ka wasomo Muma awiye awiye, ok wabi neno kuonde ma dwarore ni watimie lokruok e ngimawa. Omiyo, dwarore ni wasom Muma adimba mondo okonywa timo mano.

Ket pachi kuomi iwuon kar keto pachi kuom jomamoko. Sama wang’iyore e kio ka wan gi jomamoko, gin bende wanyalo nenogi e kiono, kendo mano nyalo miyo waket pachwa kuom gimoro ma dwarore ni gilos kuomgi. E yo ma kamano, wanyalo tiyo gi Muma e manyo ketho mag jomamoko. Mano nyalo monowa timo lokruoge ma dwarore kuomwa wan wawegi.

Bed gi paro mowinjore. Ka wang’iyore e kio ka waketo pachwa mana kuom gik maricho ma waneno kuomwa, chunywa nyalo nyosore. Sama wasomo Muma, dwarore ni wabed gi paro mowinjore mondo kik watem timo gik mohingo tekowa, nikech Jehova ong’eyo nyalowa.—Jak. 3:17.