Ti Maber gi Ndiko Moried e Dier Muma

Ndiko moried e dier Muma mar Loko mar Piny Manyien nyiso kaka weche manie Muma otudore, nikech gikonyi neno ndiko mamoko ma wuoyo kuom wach moro. Mondo iyud ndikogo, inyalo tiyo gi yore ariyogi: E Muma mogo e otas, nitiega nyukta moko ma yudore e wi weche manie wes moko, kendo nyukta machal kodgi e dier Muma nyiso ndiko mamoko motudore gi wes misomono. E jw.org kata JW Library^® inyalo diyo nyukta manie wi weche misomo.

Ndiko moriedgo nyalo konyi ng’eyo weche ma luwogi:

Ndiko ma wuoyo e wi wach achielno: Ndiko moriedgo konyi ng’eyo ndiko mamoko ma wuoyo e wi wach misomono. Kuom ranyisi, ne 2 Samuel 24:1 kod 1 Weche mag Ndalo 21:1.

Ndiko ma nwoyo wach moro kata weche duto manie ndiko machielo: Ndikogo nyalo konyi ng’eyo kama ogolie weche misomogo. Kuom ranyisi, ne Mathayo 4:4 kod Rapar mar Chik 8:3.

Weche mokor ma nochopo: Ndiko moriedgo nyalo konyi ng’eyo weche ma nokor kod ndiko ma nyiso kaka ne gichopo. Kuom ranyisi, ne Mathayo 21:5 kod Zekaria 9:9.