Be Har-Magedon Biro Chakore e Piny Israel?​—Ang’o ma Muma Wacho?

Muma nyiso ni Har-Magedon en lweny e kind sirkende duto mag dhano gi Nyasaye, to ok lweny ma timore kamoro achiel kende e piny.

• “Gin weche mokudh gi much jochiende . . . kendo gidhi ir ruodhi mag piny mangima mondo gichokgi ne lweny mar odiechieng’ maduong’ mar Nyasaye Manyalo Duto. . . . Ne gichokogi kanyachiel ka ma iluongo gi dho Hibrania ni Har-Magedon.”​—Fweny 16:14, 16.

“Har-Magedon” en wach mogol e dho Hibrania ma en Har Meghid·dohnʹ, kendo tiende en “Got mar Megido.” Megido ne en nying dala moro e piny Israel machon. Mano e momiyo jomoko paroga ni lweny mar Har-Magedon biro timore e piny Israel. Kata kamano, alwora mar Megido kaachiel gi piny Middle East duto ok nyal romo “ruodhi mag piny mangima” kod jolwenygi duto.

Bug Fweny nondik ‘kitiyo gi ranyisi’ kata ngeche. (Fweny 1:1) Har-Magedon ok en kamoro sie, to en wach mitiyogo kiwuoyo kuom kinde ma ogendni duto mag pinyni biro chokore mondo giked gi Nyasaye e lweny mogik.​—Fweny 19:11-16, 19-21.