Bedo gi Geno e Higa mar 2024—Ang’o ma Muma Wacho?

Ji mang’eny neno ni onge geno moro amora ni chandruoge ma gibiro romogo e higa mar 2024 chieng’ norum. Kata kamano, nitie geno. Genono yudore kanye?

Muma miyowa geno

Muma singo ni Nyasaye biro tieko chandruoge duto ma miyo ngimawa bedo matek e kindewagi. Machiegnini, Nyasaye ‘biro yweyo pi wengegi duto, mi tho ok nobedie kendo, kata kuyo, kata ywak, kata rem ok nobedie kendo.’—Fweny 21:4.

Mondo ing’e weche momedore e wi gik ma Muma singo ni biro timore e kinde mabiro, som sula ma wacho ni, “Tumaini Bora la Wakati Ujao.”

Kaka Muma nyalo konyi e kindegi

Muma wuoyo kuom geno maber mar kinde mabiro, kendo genono nyalo konyi mondo iked gi parruok ma in-go e kindegi kendo ibed gi chuny mokuwe. (Jo-Rumi 15:13) Puonj ma Muma chiwo nyalo konyi mondo inyagri gi chandruoge miromogo sani, kaka dhier, timbe ma ok kare, kod tuoche.

Ne ane kaka geno ma Muma chiwo nokonyo dichwo moro mondo obed gi kuwe kod mor, kata obedo ni nopon e ngima mar dhier. Ne vidio ma wacho ni, Juan Pablo Zermeño: Jehova Nomiyo Abedo gi Ngima Maber.
Ne ane kaka Muma nyalo konyi sama chunyi chandi nikech gimoro marach ma nitimo, sama ikuyo, kata sama watni kata osiepni otho. Som sula ma wacho ni, “Je, Ninaweza Kupata Faraja Katika Biblia?”
Ne ane kaka Muma nochiwo geno ne jalweny moro ma ne pakorega ni en “ng’at ma rateng’ ma ok dew ng’ato ang’ata.” Ne vidio ma wacho ni, Niliweka Bunduki Yangu Chini.

We mondo higa mar 2024 obedni higa maber kaachiel gi joodu. Puonjri mathoth e wi kaka Muma nyalo konyi. Tem ane chenrowa mar puonjruok Muma. Puonjri kaka Nyasaye nyalo miyo ibed gi “kuwe” sani kendo ‘miyi gima inyalo geno bang’e.’—Jeremia 29:11.