SULA MAR 02
Muma Miyowa Geno Maber mar Kinde Mabiro
E piny mangima, ji nyagore gi chandruoge ma kelonegi kuyo, parruok, kod lit mang’eny. Be nitie gimoro ma osetimore e ngimani ma nomiyo in bende iwinjo kamano? Samoro ichandori nikech in gi tuo moro kendo watni kata osiepni moro osetho. Nyalo bedo ni ipenjori niya, ‘Be chieng’ moro ngimana nobed maber?’ Muma miyowa dwoko makare mar penjono.
1. Muma miyowa geno mane mar kinde ma biro?
Muma leronwa gimomiyo pinyni opong’ gi chandruoge mang’eny kendo onyisowa wach maber ni chandruogegi chiegni rumo. Gik ma Muma singonwa nyalo ‘miyowa geno.’ (Som Jeremia 29:11, 12.) Singogo nyalo konyowa mondo wanyagre gi chandruoge ma wayudo sani, wabed gi paro mowinjore, kendo konyowa bedo gadier ni wanyalo bedo mamor nyaka chieng’.
2. Muma nyisowa ni ngima biro chalo nade e kinde ma biro?
Muma nyisowa ni e kinde ma biro “tho ok nobedie kendo, kata kuyo, kata ywak, kata rem ok nobedie kendo.” (Som Fweny 21:4.) Chandruoge ma kelo ne ji lit kaka dhier, timbe ma ok kare, tuoche, kod tho ok nobedie. Muma singo ni dhano biro dak maber e Paradiso e piny kae nyaka chieng’.
3. Ere kaka inyalo bedo gadier ni gik ma Muma osingo biro timore?
Ji mang’eny ong’eyo ni gik mabeyo biro timore kinde ma biro, kata kamano, ok gin gadier ka be gigo biro timore. Gik ma Muma singonwa to opogore. Wanyalo bedo gadier gi gik ma Muma wacho ka ‘wanono Ndiko adimba.’ (Tich Joote 17:11) Sama ipuonjori Muma, in iwuon e ma ibiro yiero ka be ibiro yie gi gik ma Muma wacho e wi kinde ma biro.
TIM NONRO
Non moko kuom gik ma Muma singo ni biro timore e kinde ma biro. Ne ane kaka geno ma Muma miyowa konyo ji e kindegi.
4. Muma singonwa ni wanyalo dak nyaka chieng’ ma onge chandruok moro amora
Ne ane moko kuom singo ma yudore e Muma. Gin singo mage ma mori ahinya, to nikech ang’o?
Som ndiko moket e bath singogo, kae to unon penjo ma luwogi:
Be iparo ni ndiko ma luwogi nyalo konyi mondo ibed gi geno? Be ndikogi nyalo konyo joodu kod osiepeni mondo gibed gi geno?
Par ane ka idak e piny ma
ONGE NG’AT MA BIRO . . . |
JI DUTO BIRO . . . |
|---|---|
|
|
|
|
|
|
|
|
|
|
5. Singo manie Muma nyalo loko ngimawa
Ji mang’eny igi wang’ga kendo chunygi nyosorega nikech chandruoge ma gineno ka timore. Jomoko kedoga matek mondo gikel lokruok. Ne ane kaka singo ma Muma chiwo ni gik moko biro bedo maber osekonyo ji e kindewagi. Tug VIDIO, kae to uwuo e wi penjo ma luwogi:
Gin timbe mage ma ok kare ma ne chando Rafika?
Kata obedo ni timbe ma ok karego ne ok orumo, ere kaka Muma nokonye?
Geno ma Muma miyowa e wi kinde ma biro nyalo konyowa mondo chunywa kik nyosre kendo wanyagre gi chandruoge ma wayudo. Som Ngeche 17:22 kod Jo-Rumi 12:12, kae to uwuo e wi penjo ma luwogi:
Be iparo ni gik ma Muma singo e wi kinde ma biro nyalo loko ngimani? Ang’o momiyo iwacho kamano?
PARO MA JOMOKO NIGO: “Gik ma Muma singo e wi kinde ma biro beyo ahinya ma ok ditimre.”
Ang’o momiyo onego inon ka be singogo biro timore adier?
PUONJ MADUONG’
Muma singonwa gik mabeyo ahinya ma biro timore e kinde ma biro. Singogo miyowa geno kendo miyo ngimawa bedo maber sani.
Ang’o ma ipuonjori?
Ang’o momiyo ji onego obed gi geno e wi kinde ma biro?
Ang’o ma Muma nyisowa e wi kinde ma biro?
Ere kaka bedo gi geno mar kinde ma biro konyi sani?
MED TIMO NONRO
Puonjri kaka bedo gi geno nyalo konyi sama in gi chandruok.
Ne ane kaka bedo gi geno e wi kinde ma biro nyalo konyo joma tuore.
“Be Muma Nyalo Konyo Ng’at ma Nigi Midekre?” (Sula ma yudore e jw.org)
Sama iwinjo wendni, temie paro ka idak maber e Paradiso kaachiel gi joodi.
Som ane kaka ngima mar ng’at moro ma ne kedo ne ratiro mar ji nolokore, bang’ ka nosepuonjore gik ma Muma singonwa e kinde ma biro.
“Tinde Ok Ane ni Nyaka Akel Lokruok E Piny” (Ohinga mar Jarito, Julai 1, 2013)