“Jehova e Jakwadha”

1. Jehova en e Jakwadha;

Aluor kata bwok nang’o?

Orito rombene te maber

Ong’eyogi duto te.

Otaya e pige mokuwe,

Omiya kuwe i chunya.

Otayo wuodha nikech nyinge

Aluw yore makare.

Otayo wuodha nikech nyinge.

Aluw yore makare.

2. E hoho mar mudho kenda,

Awuotho ma ok aluor.

Jakwadha Maduong’ rita pile,

Ludhe miyo ok aluor.

Owiro mo wiya pile;

Kikombena opong’o.

Herane mang’won biro luwa,

Kendo nadag e ode.

Herane mang’won biro luwa,

Kendo nadag e ode.

3. Jakwadha riek kendo hera!

Apake kawer gi mor.

Wach ma jaber mar ritne mang’won

Abiro lando ne ji.

Abiro luwo wechene,

Luwo yorene duto.

Mwanduna maduong’ en tiyone;

Natine gi mor pile.

Mwanduna maduong’ en tiyone;

Natine gi mor pile.