PENJO MAR 7
Muma nokoro ang’o e wi ndalowagi?
“Oganda noked gi oganda, kendo pinyruoth gi pinyruoth. . . . To magi duto gin chakruok mar masiche malit.”
“Jonabi mang’eny mag miriambo nosiek kendo ginimi ji mang’eny lal; kendo nikech medruok mar ketho chik, hera mar ji mang’eny nobed mang’ich.”
“Ka uwinjo wach lwenje kod humb lwenje, kik uluor; gigi nyaka timre, kata kamano giko to nobed ni pod.”
“Yiengni madongo mag piny nobedie, bende kamoro bang’ machielo chiemo nobed manok kendo tuoche ma landore nobedie; kendo gik ma kelo luoro nonenre, kendo ranyisi madongo noa e polo.”
“Kinde matek ahinya nobedie e ndalo mag giko. Nimar ji nobed joma oherore giwegi, joma ohero pesa, joma pakore, jong’ayi, jo achaya, joma ok winj jonyuolgi, joma ok go erokamano, joma ok makre chuth gi jomamoko, joma onge hera, joma ok oikore loso winjruok moro amora, joketh nying ji, joma onge ritruok, joma ger, joma ok ohero gik mabeyo, jo andhoga, joma wigi tek, joma opong’ gi sunga, joma ohero mor mag piny kar hero Nyasaye, joma nenore gi oko ni gin joma oluoro Nyasaye to gitamore yie mondo tekone ochik ngimagi; to in pogri ia kuom joma kamago.”