SOMO NAMBA 11

Wuoyo gi Ilo

Jo-Rumi 12:11

GIMA INYALO TIMO: Wuo gi ilo mondo imak pach jowinjo.

Ket chunyi e twagi. Sama itimo ikruok, par matut kaka wach mibiro wuoye nyalo konyo jowinjo. Ng’e maber weche mibiro tiyogo mondo iwachgi kowuok e chunyi.
Ng’e gima nyalo konyo jowinjo. Par matut kaka weche mibiro somo kata puonjo biro konyo jowinjo. Many yore minyalo gologo twak e yo ma biro konyo jowinjo orwak gima ipuonjo.
Gol twak gi ilo. Wuo kimor. Ti gi ranyisi mag del e nyiso kaka iwinjo e chunyi; ranyisi mag delgo kik bed michuno achuna.

Kik iti gi ranyisi mar del achiel pile nikech mano nyalo chocho jowinjo. Ranyisi mag del mitiyogo onego owinjre gi gima iwacho. Wuo gi ilo sama ipuonjo wach maduong’, kata sama ijiwo jowinjo mondo okaw okang’. Kik inyis ilo mokalo tong’ e twagi duto nikech mano biro miyo jowinjo ool gi winji.