SOMO NAMBA 13

Nyiso Maler Kaka Puonj Tiyo

Ngeche 3:21

GIMA INYALO TIMO: Kony jowinjo mondo one kaka weche miwacho mulo ngimagi, kod kaka ginyalo tiyo gi puonjgo.

Par gima nyalo konyo jowinjo. Par matut gimomiyo jowinjo onego winj gima idwaro puonjono, kod weche mabiro konyogi moloyo.
Sama ipuonjo, nyis jowinjo kaka ginyalo tiyo gi gik ma ipuonjo. Sama ichako puonjo, jowinjo onego one ni gik ma idwaro puonjo biro konyogi. Sama ilero moro ka moro kuom puonj madongo, nyisgi kaka ginyalo tiyo gi puonjno. Wach weche moriere.

Sama ilero puonj manie Muma, wuo e yo mang’won kendo manyiso hera. Weche mitiyogo kik mi jowinjo ochak neno ni ok giwinjore e nyim Jehova. Kar mano, med jiwogi mondo ginyis hera kod yie ka in gadier ni gombo ma gin-go mar timo gik makare biro chwalogi timo kamano.