SOMO NAMBA 1

Weche Michakogo Wuoyo

Tich Joote 17:22

GIMA INYALO TIMO: Weche michakogo wuoyo onego omak pach jowinjo, oler wach maduong’ midwaro wuoye, kendo onyis jowinjo kaka wach midwaro wuoyoeno konyogi.

KAKA INYALO TIMO MANO:

Tem mako pach jowinjo. Inyalo yiero penjo moro, wach moro ma notimore, weche moko miwinjo e redio, misomo e gasede, mineno e televison kod weche mamoko ma nyalo moro jowinjo.

Non gik ma jowinjo ohero kod gik ma nyalo bedo ni chandogi, kae to iwuo kodgi ka luwore gi wechego.
Ng’e wach maduong’ ma idwaro wuoye. Tem matek mondo weche michakogo wuoyo okony jowinjo ng’eyo wach maduong’ ma idwaro wuoye kod gimomiyo idwaro wuoyo e wi wachno.
Nyis kaka wach midwaro wuoyoeno konyogi. Tud wach miwuoye gi dwaro mag jowinjo. Ber ka ging’eyo kaka wach miwuoyoeno nyalo konyogi e ngimagi.

Sama iiko twak, penjri niya: ‘Gin chandruoge mage ma owete gi nyimine manie kanyaklau yudoga?’ Kae to ik weche michakogo wuoyo e yo ma nyalo konyogi e gik ma chandogigo.