Chenro mar Juma mar Mach 25

JUMA MACHAKORE MACH 25

Wer 39 kod Lamo

□ Puonjruok Muma e Kanyakla:

jr sula 7 ¶1-6 (Dak. 30)

□ Skul mar Tij Nyasaye:

Somo mar Muma: Luka 4-6 (Dak. 10)

Na. 1: Luka 4:22-39 (Dak. 4 kata matin ne mano)

Na. 2: Kend Nyaka Mi Luor​—td 18A (Dak. 5)

Na. 3: Ang’o Momiyo Wan Gadier ni Nochier Yesu​—1 Kor. 15:3-7 (Dak. 5)

□ Chokruok mar Tijwa:

Wer 12

Dak. 5: Chako Puonjruok mar Muma gi Ji Ngeso Mokwongo. Tiuru gi weche mwanyalo chako wuoyogo gi ji mayudore e ite mar 8 e timo ranyisi kaka wanyalo chako puonjruok mar Muma gi ji Ngeso mokwongo e dwe mar April. Jiw jolendo duto mondo oriw chenroni lwedo.

Dak. 25: “Kaka Wanyalo Tiyo gi Brosua Manyien mar Wach Maber Mowuok Kuom Nyasaye!” Penjo gi dwoko. Sama unono paragraf mar 6, timuru ranyisi ariyo.

Wer 17 kod Lamo

3. Pogruok mane ma nitie e kind brosuani kod buge mamoko mag puonjruok?

³ Kaka Iye Chalo: Bugewa mang’eny mag puonjruok olos e yo ma ng’ato nyalo somo owuon mowinj tiend gik mosomo. Brosuani to opogore. Olose e yo ma japuonj nyaka bedie eka japuonjre owinje maber. Kuom mano, sama wamiye ng’ato, ber mondo wasom kendo wawuo kuom paragraf achiel kata ariyo. Nikech paragraf manie iye chieko, wanyalo nonogi mayot e dhood ng’ato kata kama otiyoe. Kata obedo ni ber chako gi sula mokwongo, pod wanyalo yiero chako gi sula moro amora ma waneno ni owinjore.

4. Ere kaka brosuani konyowa puonjo ji Muma achiel kachiel?

⁴ E bugewa mang’eny, dwoko mag penjo yudore e paragraf. Brosuani to opogore nikech dwoko mag penjo manie iye yudore mana e Muma. Ji mang’eny neno ni puonjruok Muma achiel kachiel ber moloyo puonjruok buk moro. Omiyo, chiegni ni ndiko duto manie brosuani ok oket wechegi e paragraf. Onego osomgi achiel kachiel e Muma. Mani konyo jopuonjre mondo ong’e maler ni gik ma gipuonjore owuok kuom Nyasaye.​—Isa. 54:13.

5. Ang’o momiyo japuonj nyaka ikre maber ne puonjruok ka puonjruok?

⁵ Nitie ndiko mang’eny e brosuani maok oler tiendgi. Nikech ang’o? Nikech olose e yo mamiyo japuonjre bedo gi siso mar penjo, kendo omiyo japuonj thuolo mar tiyo gi lony ma en-go e puonjo. Mano nyiso ni japuonj nyaka ikre maber ne puonjruok ka puonjruok. Gima iparonwa en ni kik wawuo ahinya e sa puonjruok. En adier ni wahero lero Ndiko, kata kamano, mondo mi wakony japuonjre maber, onego en ema wamiye thuolo mondo oler kaka owinjo tiend ndiko. Ka watiyo gi penjo e yo molony, wanyalo konye mondo one kaka ndiko ka ndiko tiyo kendo otudore gi gima iwuoye.​—Tich 17:2.