Ang’o Minyalo Puonjori Kuom Joma Osetiyo ne Jehova Kuom Higni Mang’eny?

E kanyaklawa, nitie joma osetiyo ne Jehova kuom higni mathoth. Ginyalo puonjowa geno Jehova nikech gin giwegi gisetimo kamano kuom higni mogwaro. Ginyalo nyisowa gik ma ne timore e riwruok mar oganda Jehova chon kod pek ma Jehova osekonyogi loyo e ngimagi. Wanyalo kata mana gwelogi e utewa mondo wapenjgi wechego sama watimo Lamo mar Joot.

Ka in Jakristo mosetiyo ne Jehova kuom higni mang’eny, inyalo nyiso rowere gik mabeyo ma Jehova osetimoni. Jakobo gi Josef nonyiso joodgi gik mabeyo ma Jehova notimonegi. (Cha 48:21, 22; 50:24, 25) Bang’ kinde moko, Jehova nonyiso wuone mondo opuonj nyithindgi gik miwuoro ma notimo. (Rap 4:9, 10; Za 78:4-7) E kindewagi, jonyuol kod jomamoko e kanyakla nyalo nyiso joma pod tindo gik miwuoro ma Jehova osetimo kotiyo gi riwruok mare.

NEURU VIDIO MA WIYE WACHO NI, SIKO E WINJRUOK ACHIEL KATA SAMA OGOWA MARFUK, KAE TO UDWOK PENJO MA LUWOGI:

• Ere kaka ofis ma Austria nokonyo owete ma ne nitie e pinje ma nogoye tijwa marfuk?

• Owete ma nie pinjego notimo nang’o mondo gidhi nyime bedo gi yie motegno?

• Ang’o momiyo jolendo mathoth e piny Romania noweyo riwruok mar oganda Jehova, to ere kaka ne giduogo?

• Ere kaka gik ma waneno e vidiono otego yieni?