Be Nyasaye Nyalo Konya ka Alemo?

Dwoko ma Muma chiwo

Ee, onyalo. Nyasaye konyo joma lemo gi chuny makare ka luwore gi dwache. Kata ka po ni pok nilemoga nyaka nene, pod inyalo yudo jip kisomo ranyisi moko e Muma mag joma nolemo ka gikwayo Nyasaye ni, “Nyasaye konya.” Ne ane ranyisi moko:

• “Konya, A Jehova Nyasacha; yaye, resa kaka kechni obet.”—Zaburi 109:26, The Bible in Luo, 1968.

• “Achandora kendo adhier: A Nyasaye, konya.”—Zaburi 69:6, Douay Version.

Nenore maler ni ng’ama nondiko wechego ne nigi yie motegno kuom Nyasaye. Kata kamano, Nyasaye winjo ji te ma lame gi chuny makare, kuom ranyisi “jo ma chunygi onyosore chuth.”—Zaburi 34:18.

Ok onego ipar ni Nyasaye ni mabor ahinya kodi ma ok onyal dewi. Muma wacho kama: “Nimar kata Jehova ni malo, to odewo jo mamuol.” (Zaburi 138:6) Yesu kinde moro nowacho ne jopuonjrene niya: “Kata mana yie wiu duto osekwan.” (Mathayo 10:30) Nyasaye neno nyaka gik matindo tindo kuomi, kata ma in pok ing’eyo ni intiego. Ka en kamano, be onyalo weyo ma ok owinjo lamo magi sama in e chandruok? Ooyo.—1 Petro 5:7.