SANDUK MAR 20A

Pogo Lowo

Yo ma ne olergo tong’ mar piny ma joma noa e tuech ne dhi dokie nomiyo Ezekiel kod jowetene ma ne nie tuech obedo gadier ni ne idhi duokgi e pinygi. Gin puonj mage ma wanyalo yudo e fwenyno? We wanon ane gik moko ariyo manie fwenyno:

Map ma nyiso tong’ mar lowo ma nopog ne joma nowuok e tuech mana kaka ilero gi Ezekiel. Ne opog lowo ne dhoudigo chakre yo nyandwat nyaka milambo, kichako gi Dan, Asher, Naftali, Manase, Efraim, Reuben, Juda, Lowo Mowal (en lowo ma jotelo ne time tijegi), Benjamin, Simeon, Isakar, Zebulun, kod Gad.

Ji duto ne dhi yudo lowo

Ji duto ma ne dhi dok thurgi ne dhi yudo lowo e Piny Manosingi. E yo ma kamano bende, e kindewagi paradiso mar ranyisi nigi kama duong’ moromo jotich Jehova duto. Kata bed ni wan-gi migawo matin ma romo nade e riwruok mar oganda Jehova, wanyalo bedo gadier ni nitie kama duong’ ma wamako e paradisowa mar ranyisi. Jehova ogeno jotichne duto.

Pogo lowo ma romre

E fweny ma Ezekiel noneno, dhoudi duto ma ne dhi dak e Piny Manosingi ne dhi yudo gik mabeyo ma ne nyak e pinyno. E yo ma kamano bende, Jehova osemiyo jotichne duto thuolo marom e paradiso mar ranyisi kama giduto giyude gueth.

Dog e sula mar 20, paragraf mar 5-11