DWOKO PENJO MAG MUMA

Ang’o momiyo ne ochwe pinywani?

Ne ochwe piny e yo ma kit ngima mopogore opogore nyalo dakie. En gi pi mogundho kendo pi en gima dwarore ahinya mondo ngima obedie. Yo ma piny oleng’orego e kor lwasi kod yo ma owinyorego kolworo wang’ chieng’ oket e yo ma miyo nembe ok nyal bedo mang’ich ahinya ma gilokre baraf kata ok ginyal bedo ma liet ahinya ma giduon. E wi mano, muya molworo piny kod teko mar spak ma en-go geng’o gik maricho ma chieng’ kiro. Kaka ngima mar le kod mar yiende otenore kuom nyawadgi en gima iwuoro ahinya. Mano osemiyo ji mang’eny owacho ni pinywani ne ochwe gi gimomiyo.—Som Isaiah 45:18.

Kata kamano, inyalo penjori niya: Be nyalo bedo ni chandruok kod gik ma ok kare ma timore e pinyni gin chenro Nyasaye?—Som Rapar mar Chik 32:4, 5.

Be piny chieng’ nobed kaka Nyasaye ne dwaro?

Ne ochwe piny mondo obed kama joma omiyore luor kendo mohero Jachwechgi odagie gi mor. Mano e momiyo ngima dhano duong’ mohingo yiende kod le. Wan kaka dhano, wanyalo ng’eyo Jachuechwa kendo wanyalo mor gi kido kaka hera kod tim makare kendo wanyag kidogo.—Som Eklesiastes 12:13; Mika 6:8.

Jachuechwa nyalo chopo gik moko duto ma odwaro. Omiyo, wanyalo bedo gadier ni obiro loso piny obed kama kare ma oganda dhano nyalo dakie gi mor ma onge chandruok kaachiel gi timbe ma ok kare.—Som Zaburi 37:11, 29; Isaiah 55:11.