Ang’o Ma Muma Wacho?

Be Nyasaye dwokoga lamo duto?

INYALO WACHO NI ODWOKOGA LAMO MAG . . .

• Ji duto

• Jomoko

• Ok oduokga lamo

GIMA MUMA WACHO

‘Jehova chiegni gi ji duto . . . ma luongo nyinge gadiera.’—Zaburi 145:18.

WECHE MAMOKO MA MUMA PUONJOWA GIN MAGE?

• Nyasaye ok winjga lamo mag joma ong’anyone. (Isaiah 1:15) Kata kamano, ginyalo ‘poro wach’ gi Nyasaye ka giloko timbegi.—Isaiah 1:18.

• Nyasaye duoko lamo mar ng’ato, mana ka lamono luwore gi dwaro mare mayudore e Muma.—1 Johana 5:14.

Be ochuno ni wabed e yo moro makende sama walemo?

JOMOKO WACHO NI nyaka gigo chonggi piny, gikul wigi, kata gimak lwetegi sama gilemo. In to iparo nade?

GIMA MUMA WACHO

Nyasaye osebedo ka winjo lamo mag joma ‘obet’ piny, ochung’, ‘okulore,’ kata ‘ogoyo chonggi piny.’ (1 Weche mag Ndalo 17:16; 2 Weche mag Ndalo 30:27; Ezra 10:1; Tich Joote 9:40) Nyasaye ok chunwa ni wabed e yo moro makende sama walemo.

WECHE MAMOKO MA MUMA PUONJOWA GIN MAGE?

• Nyasaye winjo lamo mag joma obolore.—Zaburi 138:6.

• Inyalo lemo e dhok moro amora, bende inyalo lemo gi chunyi.—2 Weche mag Ndalo 6:32, 33; Nehemia 2:1-6.