I Fate Chu Siamtu Ring Nghet Tlat Tûrin Ṭanpui Rawh

Thil siamte hian Jehova ropuina a hriattîr a. (Sâm 19:1-4; 139:14) Mahse, Diabola khawvêl chuan nun inṭanna chungchângah Pathian chawimawi lo ngaih dânte chu a chawilâr a ni. (Rom 1:18-25) Chutiang ngaih dân chuan i fate rilru leh thinlunga zung kaih lo tûrin eng nge i tih ang? An naupan lai aṭangin Jehova a awm tih leh mi mal takin min ngaihsak tih rinna nei chho tûrin ṭanpui rawh. (2 Kor. 10:4, 5; Eph. 6:16) School-a an thil zir chungchânga an ngaih dânte chu phawrhsak la, an thinlunga thlen thei tûrin hmanraw chi hrang hrangte chu hmang ang che.—Thuf. 20:5; Jak. 1:19.

I ṬHIANTE SAWI CHU—PATHIAN RIN CHUNGCHANGAH TIH VIDEO CHU EN LA, TICHUAN A HNUAIA ZAWHNATE HI SAWIPUI RAWH:

• Pathian rin chungchânga an sawi ṭhin thu dik lo chu eng nge ni?

• School-ah eng nge in zir?

• Jehova a awm ngei tih engin nge rin nghehtîr che?

• Engtin nge mi chu Pathianin thil engkim a siam tih ring tûrin i ṭanpui theih?