Nî Tin Nun Atâna Finna JW.ORG-ah Zawng Rawh

Pathian Thu chuan hêng ni hnuhnûng chhûnga kan fiahna tawhte hmachhawn thei tûrin min thuam famkim a. (2 Tim. 3:1, 16, 17) Chutichung pawhin, dinhmun engemaw bîk taka nunpui tûr Bible thu bulte zawng hmu tûra ṭanpuina mamawh châng kan nei mai thei. Entîr nân, fate enkawl seilenna chungchânga thurâwn zawng nu emaw, pa emaw i ni em? Rinna fiahna tâwk tleirâwl i ni em? Thihnaa nupui pasal sûn i ni em? Hêng dinhmunte leh dinhmun dang tam taka Bible thu bul engemaw bîk tak zawng hmu tûrin jw.org-in a ṭanpui ang che.—Thuf. 2:3-6.

Kan website jw.org home page-a, BIBLE ZIRTIRNATE tih tab chu hmet la. (Milem 1-na en rawh.) A hnuaia lo lang aṭangin i ngaihven zâwng thu thlang ang che. A nih loh leh, LIBRARY > THUZIAK HRANG HRANGTE tih chu hmet la, i duh zâwng thute thlang ang che. (Milem 2-na en rawh.) Chûng thute tho chu JW Library^® app-ah i hmu thei ang.a Hêng hmunte aṭang hian thuziakte chu i en thei a ni. Tih theih dang leh chu i thu duh bîk zawng hmu tûrin jw.org-a a zawnna bâwm i hmang thei ang.

A zawnna bâwmah a hnuaia thute hi chhu lût la, thuziak i chhiar duhte chu chhinchhiah ang che.

• Fate enkawl

• Tleirâwlte rilru hahna

• Kawppuite thihna