Engvângin Nge Chhûngkuaah Inzah Tawnna A Tlâk Hniam Tâk?
CHHUNGKUAAH INZAH TAWN A PAWIMAWH CHHAN
Chhûngkuaa mi tinte inzah tawnna chuan pasal te, nupui te leh, fate chu him nia inhriatna boruak nuam tak a siamsak.
The Seven Principles for Making Marriage Work tih lehkhabu chuan nupate’n zahna an inlantîr tawn hian, “thil lian thamah chauh ni lovin, thil tê thamah pawh nî tin” inngainatna an inlantîr tawn ṭhîn tih a sawi.
Mi dangte zah thiam naupangte chuan mahni inzahna an nei lehzual a, an nu leh pate nêna inlaichînna ṭha zâwk an neih bâkah, rilru lama harsatna an neih tlêm zâwk thu zirchianna pakhat chuan a târ lang.
I TIH THEIH CHU
Chhûngkuain ruahmanna siamho rawh u. Pakhatnaah, chhûngkuaa mi tinin “zahna” lantîr awmzia hre thiam hmasa phawt ula. Pahnihnaah, chhûngkuaa mi tinte’n an tih atâna in duhte leh an tih loh atâna in duhte chu ziak chhuak ula. Pathumnaah, zahna lantîr tûra in tih theihte in hriat theih nân ruahmanna chu chhûngkuain sawiho vang che u.
Entawn tûr siam rawh. I chhûngte thil tihsual i sawisêl ṭhîn em? An ngaih dânte i nuihzat ṭhîn em? An biak lai chein i ngaithla duh lo emaw, i lo tibuai emaw ṭhîn em?
Thurâwn: I kawppui leh i fate chunga zahna lantîr chu an hlawh chhuah ngai ang ni lovin, an laka i bat anga ngaih tum rawh.
In thu a inhmuh loh hunah pawh zahna lantîr rawh. Thu i sawi hunah “i ti ziah” emaw, “i ti ngai lo” emaw tih ang chite hi sawi loh tum ang che. Chutiang ṭawngkamte chuan i chhûngte rilru a tinain a tilungni lo thei a, thu inhmuh lohna tê tham chu buaina lian takah a chantîr thei a ni.
KAN THILTIH CHU
Jehova Thuhretute chuan chhûngkuaa mi tinte chu inzah tawn tûrin kan fuih ṭhîn a, chumi chungchâng chu a thlâwna hmuh theih tûra kan tihchhuah thuziak te, lehkhabu te, brochure te leh, video-ahte chuan târ lan a ni fo ṭhîn.
NUPATE TAN: Help for the Family tih thuziak hrang hrangte chuan nupate chu . . .
ngaithlatu ṭha tak ni tûrin a ṭanpui thei
inbe duh lova awm lo tûrin a ṭanpui thei
inhnialna ti tâwp tûrin a ṭanpui thei
(Kan website jw.org-ah, “Help for the Family,” tih chu zawng rawh)
NU LEH PATE TAN: Help for the Family tih thuziak hrang hrangte chuan nu leh pate chu . . .
thu awih tûra an fate zirtîr tûrin a ṭanpui thei
in leh a vêla hna thawh dân an fate zirtîr tûrin a ṭanpui thei
“khawngaih takin,” tih leh “ka lâwm e,” tih sawi ṭhîn tûra an fate zirtîr tûrin a ṭanpui thei
(Kan website jw.org-ah, “Raising Children,” tih leh “Raising Teenagers,” tih chu zawng rawh)
Questions Young People Ask—Answers That Work, tih lehkhabu Volume 1 thu belhnaa, “Questions Parents Ask,” tih chu en bawk rawh. (Kan website jw.org-ah, “Questions Parents Ask,” tih chu zawng rawh)
ṬHALAITE TAN: Kan website jw.org-a Tleirâwlte leh Ṭhalai Puitlingte tih section hnuaia thuziak te, video te leh, worksheet-te chuan ṭhalaite chu . . .
an nu leh pate leh unaute nêna inngeih taka awm tûrin a ṭanpui thei
an nu leh pate chu an dân siamte zah thiam taka sawipui tûrin a ṭanpui thei
an nu leh pate rin hlawh tûrin a ṭanpui thei
(Kan website jw.org-ah, “Tleirâwlte leh Ṭhalai Puitlingte,” tih chu zawng rawh)
Kan website jw.org hi a thlâwna luh theih a ni. Hman man a awm lo va, subscribe a ngai lo va, member nih a ngaih loh bâkah, mi mal chanchin inzawh a awm lo bawk.