Inzirna Atâna Thurâwn

“Thil Tharte” Tih Section Hman Dân

JW Library^® leh jw.org-a “Thil Tharte” tih section-ah chuan thu leh hla tihchhuah thar berte chu târ lan a ni a. Chûng thil tharte hre tûr chuan engtin nge he section hi i hman theih ang?

JW Library

• Thuziak hrang hrangte chu an awmna tûr hmun ṭheuh titharin, a mal tê têa tlângzarh a ni. Chuvângin, “Thil Tharte” tih section hnuaiah thuziak pakhat a lo lang a nih chuan, chu thuziak version thar ber chu i download thei ang. Tichuan, a nî indawta dah, a chung bera thuziak thar lo lang chu i chhiar thei ang.

• Magazine ang chi thu tam zâwk chuanna thu leh hla chhuahte chu, vawi khatah i chhiar zo nghâl thei lo mai thei a. I tâna zawn hmuh a awlsam nân leh chhiar chhunzawm a awlsam zâwk nân, Favorites tihah i dah thei a, i chhiar zawh hnuah Favorites aṭangin i dah bo leh thei a ni.

JW.ORG

Thu thar ṭhenkhat leh thu puanchhuah ṭhenkhatte chu JW Library-ah ni lovin, jw.org website-ah chauh hmuh theih a ni a. Thuziak thar berte website-a i hmuh theih nân, “Thil Tharte” tih phêk chu en ziah ṭhîn ang che.