Kan Official Web Site—Keimahni leh Mi Dangte Hlâwkpui Tûra Siam

Isua chuan “hnam zawng zawng hriattîrna tûrin khawvêl zawng zawngah” ram chanchin ṭha hril tûrin thu min pe a. (Mt. 24:14) ‘Kan rawngbâwlna hlen chhuak’ tûra min ṭanpui tûrin, watchtower.org, jw-media.org, leh jw.org-te chu jw.org Web site-ah finkhâwma siam ṭhat a ni.—2 Tim. 4:5.

“Khawvêl Zawng Zawngah”: Khawvêla mipui hmun thuma ṭhena hmun khat chuan Internet an hmang a. Mi tam tak tân chanchin hriatna bul ber niin, ṭhalaite tân a ni lehzual a ni. Kan Web site chuan Internet hmangtute hnênah Bible zawhnate chhânna dik tak chu a pe a. Hei hian Jehova inawpna pâwl a hmêlhriattîr bâkah, in lama a thlâwna Bible zirna neihpui tûra dîl pawh a tiawlsam bawk. Hei hian khawvêl hmun ṭhenkhata Lalram thu chah hriat theihna hun remchâng an neih beisei awm lote tân pawh hriat theih a nihtîr ta a ni.

“Hnam Zawng Zawng”: Bible thutak “hnam zawng zawng” hnêna hriattîr tûr chuan ṭawng chi hrang hranga tihchhuah a ngai a. Kan Web site, jw.org tlawhtute chuan Web site dangte aia tamin thuziakte chu ṭawng 400 vêlin, awlsam takin an hmu thei a ni.

Hmang Ṭangkai Rawh: Kan Web site, jw.org siam ṭhat hi ring lo mite hnêna thuhrilh nân chauh a ni lo. Jehova Thuhretute tân pawh a ni. Internet i hmang a nih chuan, jw.org hre chiang tûrin kan fuih a che. A hman dân tûr rawtna ṭhenkhat chu a hnuaiah hian târ lan a ni.

[Phêk 3-naa milem]

(For fully formatted text, see publication)

Tichhin Rawh

1 I computer-a Internet browser-ah www.pr418.com chhu rawh.

2 Section-a a heading te, a menu option te, leh a link te chu hmetin, en kual rawh.

3 Internet hman theihna i mobile-ah jw.org hawn han tum chhin teh. A layout chu screen tê zâwk atân insiam rem mah se, a thute chu a inang vek a ni tih i hmu ang.