I Rawngbâwlnaah jw.org Hmang Rawh—“Jehova Ṭhian Ni Ang Che”

JW.org-ah chuan “Jehova Ṭhian Ni Ang Che” tih video telna naupangte pual a awm a. Chu chu i rawngbâwlnaah i hmang tawh em? Naupang nei tuemaw Bible i zirpui chuan engvângin nge chu chu i entîr loh vang? Chu chuan kan Web site-a thil dangte zawn belh duhna a neihtîr mai thei a ni.

Unaupa pakhatin Lalram Chanchin Thar No. 38-na a sem chhuah lai khân, a dawn veleha chhiar nghâltu nu pakhat chu a tâwk a. Chu nu chuan naupang engemaw zât a nei a, anni chuan tract an en duh hle a. Unaupa chuan a chhûng thute chu tawi têa a sawi hnuah, a hnung lama kan Web site address-te chu a hmuh a. Chu nu chuan a ngaihven tâkah chuan remchângah lain amah leh a fate chu a mobile-ah naupang video pakhat a chhuahsak a ni.

Unaunu pakhat chuan fa nei a hnathawhpui hnênah kan Web site leh chhûngkuate tân bîka siam thute a chuan thu a hrilh a. Chu nu chuan a fate nên chuan jw.org chu an en ta a. A hnuah, chu nu chuan unaunu hnênah a fate chuan “Jehova Ṭhian Ni Ang Che” tih hnuaia hlate tih zînga pakhat “Thu Chu Hril Rawh” tih hla chu an sa reng ṭhîn tih a hrilh a ni.

He jw.org hi hre bel la, i mobile-ah video-te, leh hlate, a nih loh leh thiltih tûrte zînga a engemaw ber chu download ang che. Tichuan, rawngbâwlnaah jw.org-a naupangte pual hi i hmang ṭan thei tawh a ni ang. Lalpa rawng kan bâwlnaa min ṭanpuitu hmanraw ṭangkai tak a va ni em!—Tirh. 20:19.