Ṭanpui Ngai Ṭanpuitute Tâna Malsâwmnate

Khawvêla mi tam tak chu ei tûr leh chênna tûr nei lovin an awm a. Ṭhenkhat erawh chuan nakin hun beiseina chauh an mamawh a ni. Theih tâwp chhuaha chutiang mite kan ṭanpuinain engtin nge Pathian duhsakna leh malsâwmna min dawntîr ang?

BIBLE SAWI DAN CHUAN

“Mi rethei khawngaih chuan LALPA a pûktîr a ni a, a thiltih ṭhat chu a rûl ang.”—THUFINGTE 19:17.

ṬANPUI NGAITE ṬANPUI TIH AWMZIA

Isua chuan suamhmangte beihna tâwk a, thi lek leka kalsana awm mi pakhat chungchâng a sawi a. (Luka 10:29-37) Ṭanpui duhna rilru nei hnam dang pakhat chuan a hnampui ni lo mah se, chu hliam na tak tuartu chu a ṭanpui a ni.

Chu hliam tuar khawngaihtu chuan a mamawh ṭanpuina chu a pe mai ni lovin, a thlamuanin, a dinhmun chhe tak ata hahdamna a pe a ni.

He thu aṭang hian eng nge kan zir? Isua chuan ṭanpui ngaite chu kan ṭanpui theih dân kawnga ṭanpui tûrin min duh tih a târ lang a. (Thufingte 14:31) Bible chuan Pathianin retheihna leh hrehawm tawrhnate chu a titâwp thuai dâwn tih min zirtîr a. A nih chuan, eng hunah leh engtin nge a tihtâwp ang? tiin kan ngaihtuah mai thei. Hmangaihna nei tak min Siamtuin kan tâna a buatsaih malsâwmnate chu a dawta thuziakah sawiho a ni ang.