Bible-in Eng Nge A Sawi?

Leiah hian thlamuanna a awm thei ngai ang em?

Engtin nge i sawi ang?

• Thei

• Thei lo

• Thei mai thei

Bible sawi dân chuan

Isua Krista rorêlna hnuaiah, “thlamuanna nasa tak chu a duah hlauh hluah bawk ang, thla awm loh hmâ loh chuan”—kumkhuain tihna a ni.—Sâm 72:7.

Bible aṭangin eng nge kan zir belh theih?

• Mi suaksualte chu lei ata tihboral an ni ang a, mi ṭhate chu “remna chênin an hmuingîl ang.”—Sâm 37:10, 11.

• Pathian chuan indonate chu a titâwp ang.—Sâm 46:8, 9.

Rilrua thlamuanna dik tak chu tûnah neih theih a ni em?

Mi ṭhenkhat chuan  . . . He khawvêlah hrehawmna leh dik lo taka rorêlnate a awm chhûng chu rilru thlamuanna dik tak a awm theih an ring lo. Eng nge i ngaih ve dân?

Bible sawi dân chuan

Tûnah ngei pawh, Pathian nêna inlaichînna ṭha neite chuan “Pathian thlamuanna, rilru rêng rênga hriat sên loh” chu an nei thei a ni.—Philippi 4:6, 7.

Bible aṭangin eng nge kan zir belh theih?

• Pathian chuan hrehawmna leh dik lo taka rorêlnate chu nuai bovin, ‘thil engkim siam thar’ a tiam a ni.—Thu Puan 21:4, 5.

• Kan “thlarau lam mamawhte” ngaihsakna hmangin chhûngrila thlamuanna kan nei thei a ni. —Matthaia 5:3, NW.