I Sawn Hla Em?
Eng chu maw? Baptisma chang tawh Thuhretute tâna siam Advance health Care Directive lehkha ziak khah chu mawle. ‘Naktûka thil lo thleng tûr i hriat loh’ avângin, i nat thut huna i pawm theih tûr damdawia inenkawlna leh inenkawl dân chungchânga thu tâwp siam lâwk leh ziaka dah ngei chu a pawimawh hle. (Jak. 4:14; Tirh. 15:28, 29) He lehkha pawimawh hi kum tina thlâk ngai a ni a. Thuhretu nu leh pate fa, baptisma la chang lote chuan a ṭûl anga ziak khah Identity Card an nei tûr a ni.
Nang leh i fate tân damdawia inenkawlna leh inenkawl dân i pawm theih tûrte chu thlang felin, Advance Health Care Directive lehkha chu i ziak khat tawh em? Hêng thute chipchiar taka sawiho nân, July 1, 2004 Vênnainsâng chhuak Chhhiartute Zawhna leh “Thisen Them Te Tak Tê Tête leh Mahni Thisen Hmanga Inenkawl Chungchâng Engtin Nge Ka Thlîr Ang?” tih thuziak chuanna November 2006 chhuak Kan Lalram Rawngbâwlna kârzeh chu bih chiang ang che. A tâwpah chuan, i thu tlûkna siam chu Advance Health Care Directive lehkhaah fîmkhur takin ziak chhâwng rawh. I thu tlûkna siam chu Thuhretu ni lo i chhûngte hnênah hriattîr ngei bawk ang che.
Advance Health Care Directive lehkha chu in lamah ziak khah theih a ni a, mahse hriatpuitu pahnih hmaa i ziak theih hma loh chuan a nî leh i hming chu ziak suh ang che. Chutianga a nî leh i hming ziah chu Kingdom Hall-ah group overseer emaw, upa dangte emaw hmaah tih theih a ni tawh ang. Lehkhaa kan hmuh “HRIATPUITUTE THUSAWI” tiha a lan anga hming ziak leh hriatpuina neih chu thil pawimawh tak a ni. Group overseer-te chuan a thar siam lote’n ṭanpuina an mamawh leh mamawh loh an zâwt ṭhîn tûr a ni.
Sâpṭawng chhiar thiam leh hre thiam apiang chuan Advance Health Care Directive (dpa-E In 11/04) chu an hmang ang a. Sâpṭawng chhiar thiam lo leh hre thiam lote tân card dang (dpa-1-E In 11/04) buatsaih a ni. Hetah hian zawhna dang, No. 8-na chu belh a ni a; chutah chuan lehkhaa hming ziaktu hnêna a thute chhiarsak a, hrilhfiahtu hming a chuang dâwn a ni. Thuchhuahtute chuan Directive lehkha xerox copy ni lo, a original copy ngei chu an ak reng tûr a ni.
[Phêk 3 bâwm]
• Nang leh i fate tân damdawia inenkawlna leh inenkawl dân i pawm theih tûrte chu i thlang fel tawh em?
• Rîkrum thil atân Advance Health Care Directive lehkha kim taka ziak khah chu i keng reng em?