Bible Thuchah Tih Brochure Hman Dân Kawng Khat
Kan thu hrilhna biala mi tam tak, a bîk takin Kristian ni lote chuan Bible thu hriatna an nei lo va. Bible Zirtîrna bu hmanga chutiang mite an zirpui hunah, thuchhuahtu ṭhenkhat chuan Bible Thuchah tih brochure chu zirlaiin Bible chhûnga thu awmte a hriat theih nâna ṭanpuitu atân an hmang bawk a ni. Entîr nân, unaupa pakhat chuan Bible Zirtîrna bu bung 3-na a zirpui lai chuan brochure ṭhen 1-na chu a hmêlhriattîr a. Chu mi hnuah, an zir lai an zawh apiangin brochure ṭhen dang chu a sawipui leh ṭhîn. Bible thu hriatna tlêm tê chauh nei emaw, nei lo hulhual emaw zirpui i nei em? ‘Chhandamna hmu khawpa tifing theitu lehkha thianghlimte’ zir tûra ṭanpuinaah Bible Zirtîrna bu chhûng aṭanga in thu zirte tihphuisui nân Bible Thuchah tih brochure hman tel chu tum ang che.—2 Tim. 3:14-15.