Thusawi Dân Tûr Entîrna

October Thla Inrinni Hmasa Bera Bible Zirna Neih Ṭanna Tûr

“Pathianin sual leh hrehawm tawrhna awm a phal chhan hi i ngaihtuah ngai em? [A chhânna nghâk rawh.] He mi chungchânga thu ngaihvenawm tak engemaw ka hmuhtîr thei che ang em?” In neituin rem a tih chuan October thla chhuak Vênnainsâng phêk 16-naa a thupui tê hmasa ber leh Bible châng târ lan chu chhiarpui rawh. Magazine chu pe la, a dawta zawhna sawiho leh tûra tlawhkîr tûrin ruahmanna siam ang che.

Vênnainsâng October 1

Magazine kâwm chu hmuh la, heti hian sawi ang che: “Engtin nge he zawhna hi i chhân ang? [A chhânna nghâk rawh.] He zawhna chhân nân Bible châng pakhat ka chhiarsak thei che ang em? [Rem a tih chuan 1 Johana 5:19 chhiarsak rawh.] Heta kan hmuh ang hian, khawvêl awptu chu ‘mi sual,’ a nih loh leh Diabola a ni a. Mahse, chu chuan zawhna ṭhenkhat a siam a ni. Diabola chu khawi aṭanga lo awm nge a nih? Ani chu mi tak tak a ni em? Engtia rei nge Pathianin khawvêl a awp a phal dâwn? He magazine hian Bible sawi dân a târ lang a ni.”