Thusawi Dân Tûr Entîrna

October Thla Inrinni Hmasa Bera Bible Zirpui Neih Ṭanna Tûr

“Buaina kan neihte sut kian dân chungchâng sawiho tûrin ṭhenawm khawvêngah rei lo tê kan rawn lêng a. Hetiang tharum thawhna leh rorêl dik lohna ang chi harsatna khirh takte hi mihringte hian an nuai bo theih i ring em?” A chhânna nghâk rawh. “He mi chungchânga Bible thu aṭanga hriattîrna ṭhenkhat ka hmuhtîr thei che ang em?” In neituin rem a tih chuan Isua’n a hnungzuite hnêna a zirtîr Lal Ṭawngṭaina chu hriatnawntîr rawh. October 1 chhuak Vênnainsâng hnung lam chu hmuh la, tichuan zawhna hmasa ber hnuaia thu awmte chu sawipuiin Bible châng pakhat tal chhiarsak ang che. Tichuan, magazine chu pe la, a dawta zawhna sawiho leh tûra tlawhkîr tûrin ruahmanna siam bawk rawh.

October 1

“Mihringte buaina sut kian dân chungchâng sawihona tawi tê nei tûrin ṭhenawm khawvêngah kan rawn lêng a. Chu mi sut kian dân chungchânga Bible sawi dân chu hriat i duh ang em? [In neituin rem a tih chuan Matthaia 6:9, 10 chhiar rawh.] Pathian Ram chungchâng hrilhfiahna chiang tak i hre tawh ngai em? Chu chu engvângin nge Isua’n a zirtîrnaah a sawi uar êm êm? [A chhânna nghâk rawh.] He magazine hian Pathian Ram chungchânga Bible sawi dân a târ lang a, chu bâkah leia a rawn thlentîr tûr thil ṭha tak takte pawh a sawi bawk a ni.”