Thusawi Dân Tûr Entîrna

July Thla Inrinni Hmasa Bera Bible Zirna Neih Ṭanna Tûr

“Pathian hnêna ṭawngṭai duh sakhaw ngaihsak mi tak i ni em?” A chhânna nghâk la, a dawng sawng ṭha tih i hriat chauhvin titina chu chhunzawm ang che. “Ṭawngṭainain Pathian min hnaihtîr theih dân i hre duh em?” A chhânna nghâk la. Chutah, July 1 Vênnainsâng chu pe la, phêk 11-naa thupuitê hmasa ber hnuaia thu awm chu sawipuiin, Bible châng târ lan pakhat tal chu sawipui ang che. Magazine chu pe la, a dawt leha zawhna sawiho tûra tlawhkîr leh tûrin ruahmanna siam ang che.

Vênnainsâng July 1

“Mi tam tak hian Bible hi lehkhabu thianghlimah ngai mah se, a chungchângah ngaih dân hrang hrang an nei a. Bible chungchânga i ngaih dân chu eng nge ni ve? [A chhânna nghâk ang che.] Bible-in ama chungchâng ngei a insawina ka hmuhtîr ang che aw? [In neituin rem a tih chuan, Rom 15:4 chhiarsak rawh.] He magazine hian Bible hi lehkhabu danglam bîk tak a nih dân kawng nga leh kan hlâwkpui theih dânte a sawi a ni.”