Thusawi Dân Tûr Entîrna

July Thla Inrinni Hmasa Bera Bible Zirna Neih Ṭanna Tûr

“Vêng chhûnga mi tin deuh thaw hian hlim taka rei tak dam kan duh a. Hemi chungchângah hian i ngaih dân hriat kan duh a ni: Science leh damdawi lam thiamna chuan engtik nîah emaw chuan chatuana min damtîr theih i ring em? [A chhânna nghâk rawh.] Hemi chungchângah hian thu ngaihvenawm tak kan nei a, hun rei lo tê min pêk chuan chu chu hrilh hriat ve che kan duh a ni.” In neitu’n rem a tih chuan July 1, Vênnainsâng a kâwm hnung lam chu hmuh la, zawhna hmasa ber hnuaia thu awmte chu sawipuiin, Bible châng târ lan pakhat tal chhiarpui ang che. Magazine chu pe la, a dawta zawhna sawipui tûra tlawh leh tûrin ruahmanna siam rawh.

Chhinchhiah tûr: He thusawi dân hi July 6 thu hrilh rawngbâwlna atâna inkhâwmah entîr tûr a ni.

Vênnainsâng July 1

“Mi tam tak chuan sakhuanaah rinna an neih tawh miah loh thu an sawi a. Sakhuana chungchâng hi eng nge i ngaih ve dân? [A chhânna nghâk rawh.] Sakhuana chungchâng bih chian nâna min ṭanpuitu tûr Bible thu ka sawipui thei che ang em? [In neituin a ngaihven chuan Luka 6:44a chhiar rawh.] He magazine hian sakhuain rah ṭha lo a chhuah ṭhenkhat a sawi a. Rin tlâk sakhua engemaw a awm em? tih zawhna pawh a chhâng a ni.”

Pathian Min Pêk Chanchin Ṭha!

“Kan mi biak tam takte chuan hmangaihna Pathianin khawvêla hrehawm tawrhna tam tak awm a phal chhan chu an ngaihtuah a ni. Hrehawm tawrhna hi leilung atâna atîra Pathian thiltum zînga mi ve rêng a nih i ring em?” A chhânna nghâk rawh. Bible aṭanga thu ṭhenkhat i sawipui theih leh theih loh zâwt la; rem a tih chuan Zirlai 5-na chu keu la, paragraph hmasa pahnihte leh hawrawp âwna inziak Bible chângte chu chhiarin, sawipui ang che. Brochure chu pe la, hawrawp dum bîka ziak a dawta zawhna sawipui tûra tlawhkîr leh tûrin ruahmanna siam bawk ang che.