Thusawi Dân Tûr Entîrna

Hriatrengna Sâwmna Campaign Atân

In neituin Bible thuchah a ngaihven tih i hriat hnu chuan, heti hian sawi rawh: “In chhûngkaw hnêna March 26-a khawvêl puma neih tûr hun serh pawimawh tak atân sâwmna pe tûra lo kal kan ni a. Chu chu, Isua thih champhaphâk nî a ni. A thihnain min ṭanpui dân hrilhfiahtu Bible ṭanchhan thusawi a awm dâwn a. He sâwmnaah hian tualchhûnga inkhâwmna kan neihna tûr a hmun leh a hun chu târ lang a ni,” tiin.

Vênnainsâng March 1

“Tûn ang hunah hian mi tam tak chuan Isua chungchâng an sawiin, ṭhenkhat chuan, ‘Isua thihnain kan tân eng awmzia nge a neih?’ tih zawhna an zâwt a ni. Chutiang chuan i ngaihtuah ngai em? [Chhânna hun pe rawh.] Chu zawhna chhângtu Bible châng pakhat ka hmuhtîr ang che aw? [In neituin a ngaihven chuan Johana 3:16 chhiarsak la, phêk 6-na keu ang che.] He magazine hian Isua thihna leh thawh lehna chungchânga mite zawh ṭhin zawhna ṭhenkhat a chhâng a ni.”