Thusawi Dân Tûr Entîrna

Hriatrengna Sâwmna Campaign Tân

“Hun pawimawh tak tâna sâwmna kan sem a. Chu chu Isua Krista thih hriat rengna a ni. Chu hun a pawimawh chhan chu i ngaihtuah mai thei a. [A chhânna nghâk la. In neitu chu ngaihven anga a lan chuan, thu chu sawi zawm ang che.] April 14 hian, khawvêl pum huapa mi nuai tam tak chu Isua Krista thihna hriat rengna hmang tûr leh a thihna kan hlâwkpui dân chungchâng a thlâwna Bible ṭanchhan thusawi ngaithla tûrin an kal khâwm dâwn a ni. He sâwmna hian tualchhûnga inkhâwmna kan neihna tûr hmun leh hun chu a târ lang a ni.”

Vênnainsâng April 1

“Mi a tam zâwkte tih tlângpui ṭhin thil engemaw chungchâng sawi tûrin rei lotê kan rawn lêng a. An sakhaw thurin chu eng pawh ni se, mi tin deuh thaw hian an ṭawngṭai a ni. Ṭawngṭainate chu Pathianin a chhâng niin i ngai nge ni a, kan harsatnaah ṭawngṭaina chuan ngaihṭhatna min pe mai niin i ngai zâwk? [A chhânna nghâk rawh.] Ṭawngṭaina chungchânga Bible sawi dân ka hmuhtîr ang che aw. [In neituin rem a tih chuan, 1 Johana 5:14 chhiar rawh.] He magazine hian ṭawngṭaina kan hlâwkpui dân a sawi a ni.”