Magazine Hluite Hmang Ṭangkai Rawh

Magazine hluite chu dah khâwl emaw, paih emaw a nih chuan tumahin an ṭangkaipui loh avângin, sem chhuah kan tum tûr a ni. Magazine pakhat chauh pawhin mi chu thutakah tuina neihtîrin, Jehova hming lam tûrin a chêttîr thei a. (Rom 10:13, 14) A hnuaiah hian magazine hluite hman ṭangkai nâna rawtna ṭhenkhat a awm.

• Thu hrilh ngun lohna biala thawh a nih hunah, in neitu awm lohna inahte chuan a lang sâr lovah i hnutchhiah thei a ni.

• Bus dinna emaw, rêl chawlh hmun emaw ang chi hmuna vântlâng thu hrilhna i neih hunah, mite chu thil chhiar tûr an duh leh duh lo zâwtin, magazine hlui chi hrang hrang chu hmuhtîr la, anmahni thlantîr rawh.

• In kohhran thu hrilhna bial chhûnga nursing home te, damdawi inte, a nih loh leh chutiang hmun ang chi i tlawh hunah mite ṭhutna hmunah chuan magazine hlui ṭhenkhat hnutchhiah ang che. Chutiang hmuna a hotu ber a awm a nih chuan, a hnêna phalna lâk hmasak chu a ṭha tlângpui a ni. Magazine-te a lo awm tawh a nih chuan, hnuhchhiah tam suh ang che.

• Tlawhkîrna atâna i inbuatsaih hunah, i tlawh tumte ngaihven zâwng chu ngaihtuah rawh. Chhûngkua a nei em? Khualzin nuam ti mi a ni em? Huan siam nuam ti mi a ni em? Mmagazine chhuak hluiahte chuan chhiar nuam a tih mai theih thuziak chu zawng la, i tlawhkîr leh hunah hmuh ang che.

• Tuina nei tuemaw biak pawh i tum nawn fo hnua ina i tawn leh hunah, a hmaih tâk magazine hlui ṭhenkhat chu hmuhtîr ang che.