“Mite Ngaihven Tûr Magazine Hlui leh Brochure-te Sem Chhuak Rawh”

Bible Zirtîrna bu kan sem chhuah thla leh vawi khat tlawhnaa Bible zirpui ṭan kan tum hunah chuan, chu lehkhabu lo nei tawh sa, Bible zirna neih duh si lo in neitute hnênah chuan, “mite ngaihven tûr magazine hlui leh brochure-te sem chhuak” tûra fuih kan ni. Engvâng nge?

Brochure leh magazine hluiahte hian a hun taka hman theih thu chi hrang hrang a chuang a. Chûng thute zînga a engemaw ber chuan in neitu rilru chu a khawih tlat thei a ni. Chuvângin, i thuhrilhna bag-ah chuan brochure leh magazine hlui ṭhenkhat dah tel ṭhîn ang che. Magazine hluite i neih loh chuan kohhranah i hmu thei ang. Tichuan, in neituin Bible Zirtîrna bu a lo neih tawh a, Bible zirpui a duh loh bawk chuan brochure leh magazine ṭhenkhatte chu hmuhtîrin, a chhiar châkzâwng thlang tûrin i râwn thei ang. Chutah a tuina chhawmnun nân tlawhkîr leh ang che. A tâwp a tâwpah chuan Bible zir a duh mial mai thei a ni.